Qazaqstan Respýblıkasy densaýlyq saqtaý mınıstriniń buıryǵymen Nurlan Zaıkeshuly Ysqaqov Qazaqstan Respýblıkasy Densaýlyq saqtaý mınıstrligi Medısınalyq jáne farmasevtıkalyq baqylaý komıtetiniń tóraǵasy bolyp taǵaıyndaldy. Bul týraly QR Úkimetiniń baspasóz qyzmeti habarlady. 

"QR densaýlyq saqtaý mınıstriniń buıryǵymen Nurlan Záıkeshuly Ysqaqov QR DSM Medısınalyq jáne farmasevtıkalyq baqylaý komıtetiniń tóraǵasy bolyp taǵaıyndaldy", - delingen habarlamada.

Nurlan Ysqaqov 1978 jyly Omby qalasynda (Reseı Federasıasy) dúnıege kelgen.

Ol Aqmola memlekettik medısına akademıasyn, "Turan" Astana ýnıversıtetin, Halyqaralyq bıznes akademıasyn, Almaty basqarý ýnıversıtetin, Reseı Federasıasy prezıdentiniń janyndaǵy Reseı halyq sharýashylyǵy jáne memlekettik qyzmet akademıasyn bitirgen.

Eńbek jolyn 1998 jyly qalalyq jedel járdem stansıasynda bastaǵan.

1999-2002 jyldary Astanadaǵy qalalyq jedel járdem stansıasynda feldsher bolyp jumys istedi.

2002-2007 jyldary - Astana Densaýlyq saqtaý basqarmasynyń apattar medısınasy bóliminiń bas mamany, Apattar medısınasy ortalyǵynyń uıymdastyrý-ádistemelik bóliminiń meńgerýshisi.

2007-2008 jyldary - Ońtústik Qazaqstan oblysy densaýlyq saqtaý basqarmasynyń aýyldyq densaýlyq saqtaý bóliminiń bas mamanynyń mindetin atqarýshy, bas mamany.

2008-2009 jyldary Prezıdent Ákimshiliginiń Medısınalyq ortalyǵynyń sanıtarlyq-epıdemıologıalyq qadaǵalaý bóliminiń sarapshysy, medısınalyq-sanatorıalyq-kýrorttyq kómekti uıymdastyrý bóliminiń jáne uıymdastyrý-quqyqtyq qamtamasyz etý bóliminiń bas sarapshysy bolyp jumys istedi.

2009-2012 jyldary "SK-Farmasıa" JSHS qurylymynda jumys istedi.

2012-2017 jyldary - Qazaqstan Respýblıkasy Prezıdenti Ákimshiliginiń Medısınalyq ortalyǵy gospıtaliniń klınıkalyq-ońaltý kesheniniń medısınalyq tehnologıalardy engizý bóliminiń meńgerýshisi, "Medısınalyq tehnologıalar jáne aqparattyq júıeler ortalyǵy" AQ prezıdenti.

2017-2020 jyldary - Kazakh Tourism Ulttyq kompanıasy" AQ týrısik baǵyttardy damytý departamentiniń dırektory.

2020 jyly "SK-Farmasıa" JSHS basqarma tóraǵasynyń orynbasary bolyp jumys istedi.

2022 jylǵy tamyzdan bastap qazirgi ýaqytqa deıin QR Densaýlyq saqtaý mınıstrliginiń "Salıdat Qaıyrbekova atyndaǵy densaýlyq saqtaýdy damytýdyń Ulttyq ǵylymı ortalyǵy" SHJQ RMK Basqarma tóraǵasynyń orynbasary qyzmetin atqardy.