Qazaqstanda turǵyn úıdi jalǵa alý quny taǵy da qymbattaı bastady. Bul týraly Krisha.kz habarlady.

27 maýsym men 26 shilde aralyǵyn salystyrǵanda, baǵa 1 aıda 4,2% ósken. Ósim 13 qalanyń 11-inen baıqalady.

Turǵyn úıdi jalǵa berý baǵasyna júrgizilgen monıtorıń nátıjesi boıynsha:

• Qostanaı, Petropavlda – 10%;
• Almaty, Shymkentte – 7%;
• Aqtaýda – 5%;
• Aqtóbede – 4%;
• Astana, Qaraǵandy, Oralda – 3%;
• Pavlodar, Kókshetaýda 2%-ǵa artty.

Atyraýda baǵa ózgergen joq. Al Óskemende 1 paıyz tómendedi.

Suranysqa qaraı jaldaý baǵasynyń ósýi shildeniń ortasynda bastaldy.

27 shildedegi turǵyn úıdi jalǵa alýdyń ortasha baǵasy mynadaı:

• bir bólmeli páter – 124 myń teńge;
• eki bólmeli páter – 165 myń teńge;
• úsh bólmeli páter – 209 myń teńge.