Memleket tarapynan beriletin járdemaqynyń ósýine baılanysty dekrettik tólem de ózgerdi. 2023 jyldan bastap bala kútimine beriletin járdemaqy bir jastan bir jarym jasqa deıie ulǵaıtyldy, dep habarlaıdy kursiv.kz.

Júkti jáne bosanǵan áıelderge beriletin tólemniń úsh túri bar:

– bosanǵanǵa deıin beriletin járdemaqy;

– bosanǵan soń beriletin járdemaqy;

– bala bir jarym jasqa tolǵansha beriletin járdemaqy.

Járdemaqynyń bıylǵy mólsheri, úsh balaǵa deıin – 121 100, tórtinshiden ári qaraı – 217350 teńge tólenedi. Memlekettik búdjetten bólinetin bul járdemaqy bárine birdeı jáne bir-aq ret beriletinin este ustańyz. Bala bir jarym jasqa kelgenshe beriletin járdemaqynyń kólemi jumyssyz jáne jumystan ýaqytsha demalys alaǵan áıelder úshin ártúrli.

Dekrettik  tólemdi qalaı esepteımiz?

Tólemniń kólemi jalaqyńyzǵa tikeleı baılanysty. Bul rette 1 jyldaǵy tabysyńyz esepke alynady. Jumysqa jaramsyzdyq paraǵy 123 kúnge berilse, koefısıent mynadaı bolady:

126/30=4.2

4.2h200=840

840-10%=756

Áıelderdiń dekretke shyqqanǵa deıingi ortasha aılyq mólsheri 200 myń tg. Koefısıent 4,2. Sonda áıeldiń dekrettik tólemi 840 myń bolady, odan 10 paıyz mólsherinde ustalatyn zeınetaqy jarnasyn alyp tastaǵanda qolyna 756 myń teńge alady degen sóz.

Bala bir jarym jasqa kelgenshe beriletin járdemaqyny qalaı alady?

Bala kútimine baılanysty tabysynan aıyrylǵan nemese jumys isteıtin áıelderge 18 aı boıy jalaqysyna baılanysty aýdarylypy otyrady. Dekerttik demalysqa úsh jylǵa shyqsańyz da, járdemaqyny bir jarym jyldan keıin  toqtaıdy. Keıin qalaýyńyz boıynsha jumysqa shyǵa alasyz nemese aqysyz demalysta otyrasyz.

Mysaly, sońǵy eki jyldyń birinshisinde aılyǵyńyz 150 myń teńge, ekinshi jyly 200 teńge delik. Ony basqasha esepteısiz. Keıin alynǵan somany 24 aıǵa bólesiz. 175 myń – tabystyń ortasha aılyq kórsetkishi. Odan soń bul kórsetkishti 0,4 koefısıentke kóbeıtip, 10 paıyzyn alǵanda 63 myń teńgege shyǵady. Demek, balańyz birge kelgenshe sizge osynsha qarajat túsip turady.

Formýlasy: 12h150 000+12h200 000=1 800 000

                      1 800 000+2 400 000=4 200 00

                      4 200 000/24=175 000

                     175 000h0,4=70 000h10%=63 000

Úı sharýasyndaǵy áıelderge qansha tólenedi?

Eger eshqandaı áleýmettik aýdarym jasamaǵan bolsańyz, bekitilgen tólem alyp otyrasyz.

2023 jyly:

– bir balaǵa – 19 872

– ekinshi balaǵa – 23 495

– úshinshi balaǵa – 27 083

– tórtinshiden assa – 30 705 teńge beriledi.