2028 jylǵa qaraı elimizde 3 gaz óńdeý zaýyty salynady. Bul jaıynda Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan.

"Qazirgi ýaqytta Qashaǵan ken ornynda qýaty 1 mlrd tekshe metr bolatyn gaz óńdeý zaýytynyń qurylysy júrgizilip jatyr. Paıdalanýǵa berý merzimi – 2025 jyl", - dep atap ótedi úkimet basshysy jaýabynda.

Aıtýynsha, buǵan qosa Qashaǵan ken ornynyń bazasynda Qashaǵan jobasynyń aksıonerimen jáne operatorymen (NCOC) qýaty 4 mlrd tekshe metr bolatyn gaz óńdeý zaýyty qurylysynyń jobasy júzege asyrylýda. Zaýyt 2028 jyly iske qosylady.

"Munan bólek, «Qarashyǵanaq Petroleým Opereıtıng B.V.» «PSA» JSHS ókiletti organymen birge 2028 jyly qýaty 4 mlrd tekshe metrdi quraıtyn gaz óńdeý zaýyty bar Gaz strategıasyn júzege asyrý jol kartasyn ázirledi", - dedi premer-mınıstr.