Mańǵystaý oblysynda oblys ortalyǵynyń jalpy bilim beretin mektepteriniń birinde 76 mln teńgeden astam búdjet qarajatynyń jymqyrylǵany anyqtaldy.

Oblystyq prokýratýra málimetinshe, shtattyq keste men banktik shottardy salystyrý barysynda 3 jyl boıy ózine artyq somany eseptegen mekteptiń bas býhgalteriniń tıisti jáne is-júzinde tólengen jalaqysynyń arasyndaǵy aıyrmashylyq anyqtaldy.

"Atalǵan fakti boıynsha prokýrorlarmen qylmystyq is qozǵalyp, tergeý ETD-ne tapsyryldy. Tergeý barysynda atalǵan mekteptiń esepshisi kinásin tolyqtaı moıyndady", – delingen habarlamada.

Sot úkimimen kináli adam Qazaqstan Respýblıkasy Qylmystyq kodeksiniń 189-babynyń 4-bóligi (senip tapsyrylǵan múlikti ıemdený jáne ysyrap etý) boıynsha 5 jyl merzimge materıaldyq-jaýapty laýazymdardy atqarý quqyǵynan aıyra otyryp, 7 jylǵa bas bostandyǵynan aıyryldy.

Sot úkimi zańdy kúshine engen joq.