Belgili akter Azamat Satybaldy Sháken Aımanov atyndaǵy «Qazaqfılm» aksıonerlik qoǵamynyń prezıdenti qyzmetine taǵaıyndaldy. Bul týraly Mádenıet jáne sport mınıstrliginiń baspasóz qyzmeti habarlady.

Kınostýdıa ujymyna jańa basshyny Mádenıet jáne sport mınıstri Asqat Oralov tanystyrdy. Mınıstr «Qazaqfılm» kınostýdıasynyń jumysyn úılestirý abyroıly ári jaýapty mindet ekenin aıtty.

"Otandyq kınoóneriniń qara shańyraǵy sanalatyn Qazaqfılm aýqymdy jáne kúrdeli óndiristik uıym. Byltyr kınostýdıa janynan Qazaqanımasıa shyǵarmashylyq birlestigi quryldy. Memleket basshysynyń kınostýdıa jumysyn jańǵyrtý jónindegi tapsyrmasyn iske asyrý úshin 87 tehnıkalyq jabdyq satyp alyndy. Aldaǵy ýaqytta, modernızasıanyń eki kezeńin bastaý kerek"- dedi Asqat Oralov.

Eske sala keteıik, Azamat Satybaldy uzaq ýaqyt M.Áýezov atyndaǵy Qazaq memlekettik akademıalyq drama teatrynda eńbek etti. Ǵabıt Músirepov atyndaǵy qazaq memlekettik akademıalyq balalar men jasóspirimder teatryn basqardy. Búgingi kúnge deıin Temirbek Júrgenov atyndaǵy Qazaq ulttyq óner akademıasynyń rektory qyzmetin atqardy, dep habarlady vedomstvonyń baspasóz qyzmeti.