Birikken Ulttar Uıymynyń Bas Assambleıasy konfesıaaralyq dıalogty damytýǵa jáne óshpendilikpen kúresýge baǵyttalǵan qarardy qabyldady.

Qabyldanǵan qararda boıynsha din jáne nanym-senim úshin adamdarǵa qarsy jasalǵan zorlyq-zombylyq áreketterdiń barlyq túrleri aıyptalady.

"Qujatta dinı rámizderge, qasıetti kitaptarǵa, turǵyn úılerge, jumys oryndaryna, múlikterge, mektepterge, mádenıet úıleri men ǵıbadat oryndaryna qarsy baǵyttalǵan kez kelgen áreketterdi aıyptaýǵa nazar aýdaryldy”, – delingen QR SİM habarlamasynda.

BUU qararynyń mátinine dinı rámizder men qasıetti kitaptarǵa siltemelerdi engizý týraly sheshim Eýropanyń birqatar elderinde Qasıetti Quran órtep, ony qorlaý oqıǵalarynyń tizbegi aıasynda qabyldandy.

Qazaqstan BUU-ǵa múshe basqa 47 elmen birge bul qarardyń teńavtory boldy.