İle-Alataý ulttyq parki taýlarda sel júrýi múmkin ekenin eskertip, taýǵa shyqpaýdy surady.

Bul týraly parktiń baspasóz qyzmeti habarlady. 

Almaty qalasynyń taýly aýdandarynda qatty jańbyr jaýyp, naızaǵaı oınap, burshaq jaýady. Naızaǵaı kezinde batys jeldiń ekpini 18-23 m/s bolady.
Qatty jaýyn-shashynnyń túsýine oraı, qazirgi jaǵdaıdy eskere otyryp, taýly jerlerde sel júrý qaýpi bar.

"2023 jylǵy 28 shildeden bastap 2023 jylǵy 31 shildege deıin barlyq baqylaý-ótkizý beketterinde (Almarasan, Kimasar, Býtakovka, Aqqaıyń, Aqsaı, Qaskeleń, Túrgen, Esik, Maralsaı, Qotyrbulaq), Almaty qalasy men Almaty oblysynyń taý bókterindegi avtomobıl jolymen qaýipti aımaqtarǵa jaıaý jáne avtokólikter úshin jol júrý shektelgen", – delingen habarlamada. 

Parktiń baspasóz qyzmeti sel tasqynyna túskennen keıin qashýǵa múmkindik joq ekenin eske saldy.