Úkimet orman mekemelerindegi órt sóndirýshilerge arnaıy kıim alý úshin 918 mln teńge bóletinin habarlady. 

Qazaqstan premer-mınıstri Álıhan Smaıylov qol qoıǵan qaýly boıynsha bul qarajatqa 30 tabıǵatty qorǵaý mekemesi men 16 orman mekemesiniń qyzmetkerlerine órtten qorǵaıtyn kıim satyp alynady. Bul týraly Azattyq radıosy habarlady. 

Eske sala keteıik, maýsym aıynyń basynda Abaı oblysyndaǵy "Semeı ormany" rezervatynda órt shyǵyp, bir aptaǵa jýyq ýaqyt ishinde onyń aýmaǵy 60 myń gektardan asty. Órt kezinde 15 adam qaza boldy, onyń  14-i – orman sharýashylyǵy qyzmetkeri. Marqumdardyń týystary ormanshylar órt sóndirýge eshqandaı qural-jabdyqsyz barǵanyn, olarǵa jumysynan arnaıy kıim berilmegenin aıtqan. Keıin kásiporyn basshylyǵy órt qaýipsizdigi talaptaryn buzǵan degen kúdikke ilindi.