Túrkıadaǵy jol apatynan aýrýhanaǵa túsken Qazaqstan týrısi qaza boldy. Qazaqstan syrtqy ister mınıstrliginiń baspasóz hatshysy Aıbek Smadıarov habarlady.  

Qaza bolǵan adam týraly tolyq aqparat ázirge qolynda joq, biraq jol apatyna ushyraǵan mıkroavtobýstaǵy týrıserdiń bári Túrkıaǵa Qazaqstannyń Mańǵystaý oblysynan barǵandar degen boljam bar.

Onyń sózinshe, Qazaqstan konsýly jol apatynan zardap shekkender máselesimen aınalysyp jatyr.

"Zardap shekkender esin endi jınap jatyr. Úsh adam aýrýhanaǵa túsken, biraq árqaısy bólek-bólek aýrýhanada, konsýl úsheýine de baryp, hal-ahýaldaryn bilip otyr" dedi Aıbek Smadıarov.

30 shildede Túrkıanyń Alaná aýdanynyń Antalá provınsıasynda Qazaqstan týrıseri mingen avtobýsqa júk kóligi qatty jyldamdyqpen soǵyp, jol apatyn jasaǵan.

Mıkroavtobýs júrgizýshisi men aldyńǵy orynda otyrǵan ýkraın gıdi sol jerde qaza bolyp, 10 adam jaralanǵanyn jeksenbide Hurriyet gazeti habarlady. 

Derekkóz: Azattyq radıosy