Sybaılas jemqorlyqqa qarsy qyzmet burynǵy Indýstrıa jáne ınfraqurylymdyq damý vıse-mınıstri Tımýr Toqtabaevqa qatysty sotqa deıingi tergeý isteri aıaqtalǵanyn málimdedi.

Toqtabaev Qostanaı oblysyndaǵy qatty paıdaly qazbalardyń (nıkel jáne kobált) iri qory anyqtalǵan "Shevchenkovskoe" ken ornyn barlaý júrgizemiz degen syltaýmen aýksıon ótkizbeı, zańsyz satqan dep aıyptalǵan bolatyn.

"Shevchenkovskoe" ken ornyn biregeı nıkel jáne kobált túrindegi qatty paıdaly qazbalar 100 mln tonna 5,7 trln teńge somasyna baǵalanady.

Tergeý barysynda  atalǵan ken orny memleket paıdasyna qaıtaryldy.

Bas prokýratýra aıyptalýshy T. Toqtabaevtyń istin sotqa berdi.

Eske salaıyq, 2016-2019 jyldar aralyǵynda Indýstrıa jáne ınfraqurylymdyq damý vıse-mınıstri bolǵan Tımýr Toqtabaev 2022 jyldyń qarasha aıynda qamaýǵa alynǵan. Tergeý sot sanksıasymen T.Toqtabaevtyń jáne onyń jaqyn týystarynyń (elıtalyq jeke úıler, jer ýchaskeleri, Cadillac Escalade markaly avtokólikteri, Mercedes-Benz Maybach S580 4 Matic, eki BMW X5 Xdrive40I, Bentley Bentayga V8) qymbat jyljymaly jáne jyljymaıtyn múlki anyqtalǵan edi.