Endi elektrondyq úkimet portaly arqyly teorıalyq nemese praktıkalyq emtıhandardy tapsyrýǵa ótinish bererde bıometrıalyq sáıkestendirý rásiminen ótýi qajet. Bul týraly ishki ister mınıstrligi habarlady. 

Júrgizýshi kýáligin alý úshin emtıhan tapsyrǵanda bul rásim 3 ret: emtıhan aldynda, emtıhan kezinde jáne emtıhan aıaqtalǵan soń qaıtalanady. 

Teorıalyq emtıhan tapsyrýǵa arnalǵan synyptar sıgnaldarda basýǵa arnalǵan arnaıy jabdyqtar, beınebaqylaý kameralary men emtıhannyń taza ótkenin qamtamasyz etetin quraldarmen jabdyqtalýǵa tıis.

"Teorıalyq emtıhan ótkizgende kandıdat materıaldar almasyp, teorıalyq emtıhan tapsyrý zalynan shyǵyp, qaǵaz, elektrondyq tasymaldaǵyshtardaǵy aqparatty jáne qabyldaýshy-berýshi elektrondyq qurylǵylardy paıdalansa, emtıhan qabyldanbaıdy. Emtıhandardy qabyldaý jáne júrgizýshi kýálikterin berý qaǵıdalaryn buzý týraly akt jasalyp, kandıdatqa "tapsyrǵan joq" degen baǵa qoıylady. Teorıalyq emtıhandy qaıta tapsyrýǵa úmitker kemi úsh aıdan keıin ǵana jiberiledi", – delingen İİM jarıalaǵan buıryqta.