Elimizde "Qaıtarylǵan aktıvterdi basqarý jónindegi kompanıa" jaýapkershiligi shekteýli seriktestigi qurylady.

Basqarýshy kompanıa memleketke qaıtarylǵan aktıvterdi onyń atynan menshigine qabyldaý, memleket kirisine aınaldyrylǵan aktıvterdiń saqtalýyn jáne ustalýyn qamtamasyz etý, aktıvterge bılik etý, aktıvterdi ótkizýden túsken qarajatty arnaýly memlekettik qorǵa aýdarýdy qamtamasyz etý t.s.s mindetterdi atqarady.

"Memlekettiń júz paıyz qatysýymen "Qaıtarylǵan aktıvterdi basqarý jónindegi kompanıa" jaýapkershiligi shekteýli seriktestigi qurylsyn. "Zańsyz ıemdenilgen aktıvterdi memleketke qaıtarý týraly" zańda jáne Qazaqstan Respýblıkasynyń basqa da zańdarynda, normatıvtik quqyqtyq aktilerinde belgilengen tártippen qaıtarylǵan aktıvterdi basqarý, saqtalýyn qamtamasyz etý, ótkizý - seriktestiktiń negizgi maqsattary bolyp aıqyndalsyn. Seriktestiktiń jarǵylyq kapıtaly osy qaýlyǵa qosymshaǵa sáıkes Qarjy mınıstrliginiń memlekettik múlik jáne jekeshelendirý komıtetiniń teńgerimindegi múlikti berý jolymen qalyptastyrylsyn", – delingen Úkimet qaýlysynda.

Qujat jobasy Ashyq NQA portalynda jarıalanǵan.