Almaty oblysyndaǵy 11 mekteptiń kúrdeli jóndeýine monıtorıń júrgizildi. Bul týraly Oqý-aǵartý mınıstrliginiń baspasóz qyzmeti habarlady. 

Orta bilim berý komıtetiniń habarlaýynsha, jóndelip jatqan mektepterdiń kóbi 1970-1980 jyldardyń basynda salynǵan. Olardyń qatarynda Qonaev qalasynyń Q.Qaısenov atyndaǵy №4, İle aýdany Ekpendi aýylynyń №2 orta mektepteri, Eńbekshiqazaq aýdany Esik qalasynyń A. Malkeev atyndaǵy Bilim-ınnovasıa lıseıi, Shelek aýylynyń Abaı atyndaǵy, Esik qalasynyń Abylaıhan atyndaǵy №4 orta mektepteri, Qaskelen qalasynyń Q. Sátbaev atyndaǵy mektebi, Kegen aýdanynyń Jańabaev atyndaǵy, Talǵar aýdanynyń K.Nurpeıisov atyndaǵy, №10, № 12 orta mektepteri bar. Qazirgi ýaqytta barlyq 11 bilim berý nysandarynda demontaj jáne seısmıkalyq kúsheıtý jumystary júrip jatyr.

"11 bilim berý obektisinde keshendi jóndeý jáne mektep aýmaǵyn abattandyrý boıynsha jumystar júrgizilýde. Olardyń basym bóliginde jóndeý jumystary maýsym aıynda bastalǵan. Shartqa sáıkes aıaqtalý merzimi 6 aıdan 11 aıǵa deıin sozylýy múmkin, ıaǵnı oqý jylynyń basynda mektepter balalardy qabyldaýǵa daıyn bolmaıdy. Biz bilim basqarmasymen birlesip oqý-tárbıe prosesin uıymdastyrý úshin bilim alýshylardyń ýaqytsha ornalasý oryndaryn belgiledik. Óz kezeginde merdiger uıymdar jóndeýdi belgilengen merzimnen buryn aıaqtaýǵa daıyn", – dedi orta bilim komıteti basqarmasynyń basshysy Gúlnar Talasbaeva.

Orta bilim komıtetiniń usynymdary boıynsha bilim basqarmasy men mektepter ár mektep boıynsha modıfıkasıalaý josparyn ázirlengee. Bilim basqarmasyna jaqyn ornalasqan basqa mektepterdiń jobalyq qýattylyǵyn eskere otyryp, barlyq oqýshylardy oqytýmen qamtamasyz etý boıynsha tapsyrma berildi.