Dárigerler Qaraǵandyda ýlanǵan balalardyń jaǵdaıy týraly málimet berdi. Qazirgi ýaqytta olardyń jaǵdaıy turaqty.

"Stasıonarlyq em alyp jatqan balalardyń jaǵdaıy turaqty. 1 tamyzda túsken eki pasıenttiń bireýiniń jaǵdaıy ortasha, ekinshisiniń jaǵdaıy qanaǵattanarlyq. Ekeýi de bólimshede" - dep habarlady Qaraǵandy oblysy Densaýlyq saqtaý basqarmasynyń baspasóz qyzmeti.

Alaıda alty bala áli de jansaqtaý bóliminde jatyr. 31 shildede aýrýhanaǵa túsken basqa balalardyń jaǵdaıy jaqsaryp keledi. Ekeýi úılerine jiberilse, bes bala ınfeksıalyq bólimshede em alyp jatyr.

Eske salaıyq, 30 shildede Qaraǵandy oblysynyń balalarǵa arnaýly áleýmettik qyzmet kórsetý ortalyǵynda balalar jappaı ýlanyp qalǵan bolatyn.