Úkimet merekelik kúnder tizbesiniń jańalanǵan tizimin bekitti, dep habarlaıdy Qamshy.kz aqparat agenttigi. Atalǵan tizimde eks-prezıdent Nursultan Nazarbaevqa arnalǵan kún mereke kúnderiniń jańartylǵan tiziminde qaldy.

"Qazaqstan Respýblıkasyndaǵy mereke kúnderiniń tizbesin bekitý týraly" Qazaqstan Respýblıkasy Úkimetiniń 2017 jylǵy 31 qazandaǵy №689 qaýlysyna mynadaı ózgeris engizilsin: kórsetilgen qaýlymen bekitilgen Qazaqstan Respýblıkasyndaǵy mereke kúnderiniń tizbesi osy qaýlyǵa qosymshaǵa sáıkes jańa redaksıada jazylsyn", - delingen Úkimet qaýlysynda.

Qaýly boıynsha, jańa tizimde 19 mereke bar:

• Keńes áskerleriniń shekteýli kontıngentiniń Aýǵanstannan shyǵarylǵan kúni - 15 aqpan
• Alǵys aıtý kúni – 1 naýryz
• Analar kúni - mamyrdyń ekinshi jeksenbisi
• Saıası qýǵyn-súrgin jáne asharshylyq qurbandaryn eske alý kúni – 31 mamyr
• QR Memlekettik rámizderi kúni – 4 maýsym
• Ákeler kúni - maýsymnyń úshinshi jeksenbisi
• Ulttyq dombyra kúni – shildeniń birinshi jeksenbisi
• Abaı kúni – 10 tamyz
• Sport kúni - tamyz aıynyń úshinshi jeksenbisi
• Semeı ıadrolyq polıgonynyń jabylǵan kúni – 29 tamyz
• Bilim kúni – 1 qyrkúıek
• Otbasy kúni - qyrkúıektiń ekinshi jeksenbisi
• 5 qyrkúıek – Qazaqstan halqynyń tilderi kúni
• Eńbek kúni - qyrkúıektiń sońǵy jeksenbisi
• Qarttar kúni – 1 qazan
• Nan kúni – 16 qazan
• Energıany únemdeý kúni – 11 qarasha
• Ulttyq valúta kúni – teńge – 15 qarasha
• QR Tuńǵysh Prezıdenti kúni – 1 jeltoqsan

Esterińizge sala keteıik, buǵan deıin Tuńǵysh Prezıdent kúni memlekettik merekeler tiziminde bolǵan, alaıda 2022 jyly bul tizimnen shyǵaryldy. Memlekettik mereke retinde Tuńǵysh Prezıdent kúni 2012-2021 jyldar aralyǵynda 1 jeltoqsanda atalyp ótildi.