"Aqkent" shaǵyn aýdanynda bolǵan órt kezinde balkonnan sekirgen áıeldi qutqarýǵa bolar edi. Bul týraly Almaty qalalyq tótenshe jaǵdaılar deparatmenti bastyǵynyń mindetin oryndaýshy Erlan Álibekov málimdedi, dep habarlaıdy Sputnik Qazaqstan.
Onyń aıtýynsha, órt kezinde adamdar qatty úreılenip, arty dúrbeleńge ulasqan. Turǵyndar balalaryn balkonnan laqtyryp jibergen, artynan ózderi de sekirip ketken. Alaıda úıdiń syrtynda qatty tútin baıqalmaǵan. Balkonda barlyq tesikti bitep, otyrýǵa bolar edi. Ol jerde taza aýa da bar. Qaza bolǵan áıeldi de qutqarýǵa múmkindik bolǵan.
"Ol ýaqytta bizdiń qutqarýshylarymyz jaqyndap qalǵan. Olar 20 sekýnd kúte turǵanda alyp shyǵatyn edik. Órt sóndirýshiler esikti buzyp kirgende anasy bolǵan. Oǵan qutqarý qalpaǵyn kıgizip, alyp shyqty. Sol kezde eki qyz sekirip ketti. Sál kúte turǵanda olardy da qutqaratyn edi", - dedi Álibekov arnaıy brıfıńte.
Onyń aıtýynsha, keshegi órt kezinde 80 adam qutqaryldy. Olardyń arasynda balalar da bar.
Aıta keteri, balkonnan sekirgen bir áıel aýyr jaraqat alyp, qaıtys boldy. Onyń ápkesi aýrýhanada jatyr.
Qaıtys bolǵan áıeldiń otbasyna Almaty qalasynyń ákimi Erbolat Dosaev kóńil aıtqan bolatyn.
Pikir qaldyrý