Jyl basynan beri  paıdalanylmaı turǵan jáne zańsyz satylǵan 1,8 mln gektar aýyl sharýashylyq jeri memleket menshigine qaıtaryldy.

"Jyl sońyna deıin memleket menshigine jalpy kólemi 5 mln gektar jerdi qaıtarý jospary bar. Memlekettik menshikke qaıtarylǵan jerler birinshi kezekte halyqty jaıylymdyq jerlermen qamtamasyz etýge baǵyttalady. Qaıtarylǵan jerler aýdandardyń rezervine qoıylady. Halyq tıisti jaıylym jerlermen qamtyǵan keıin qalǵan bóligi konkýrsqa shyǵarylady", – dep málimdedi Aýyl sharýashylyq mınıstrligi.

Bul týraly QazAqparat agenttigine silteme jasap, Informburo.kz jazdy. Mınıstrliktiń habarlaýynsha, jaıylym týraly zańnamaǵa ózgerister men tolyqtyrýlar engizilip jatyr. 

"Qazirgi ýaqytta Parlament májilisi depýtattarynyń bastamasymen ázirlengen "Jaıylymdardy paıdalaný máseleleri boıynsha Qazaqstannyń keıbir zańnamalyq aktilerine ózgerister men tolyqtyrýlar engizý týraly" zań jobasy aıasynda eldi mekenderge irgeles jatqan jaıylymdyq jerlerdi basqa alqaptarǵa aýystyrýǵa tyıym salý bóligine, Jer kodeksine, sondaı-aq "Jaıylymdar týraly" zańǵa ruqsat etilgen júkteme normasyn 20-dan 50 paıyzǵa deıin arttyrý boıynsha túzetý engizilgeli jatyr. Jergilikti atqarýshy organdar atalǵan zańǵa engiziletin ózgeristerdi nazarǵa ala otyryp halyqty jaıylym jerimen qamtýdy jergilikti deńgeıde sheshýi kerek", – dedi habarlamada.