Ýkraına prezıdenti Vladımır Zelenskıı bıyl kúzde beıbit samıt ótkizýdi usyndy. Ol Saýd Arabıada osy aptada ótetin kelissózder samıttiń alǵashqy baspaldaǵy ekenin de atap ótti. 

Ýkraına prezıdentiniń veb-saıtynda jarıalanǵan derekterge súıensek, 5 jáne 6 tamyzda Djıddadaǵy kezdesýde 40-qa jýyq el qatysady. 

"Biz beıbit samıtiń bıyl kúzde ótýi úshin qolymyzdan kelgenin jasaýdamyz. Kúz mezgili de taıap qaldy. Alaıda samıt ótkizýge jáne kóptegen elderdiń qatysýy úshin biraz ýaqyt kerek", delingen Zelenskııdiń málimdemesinde. 

Samıttiń kún tártibi ótken jyldyń kúzinde Kıev ázirlegen 10 tarmaqtan turatyn josparǵa negizdeledi. Onda kórsetilgen beıbitshilik tujyrymdamasy Ýkraınanyń aýmaqtyq tutastyǵyn tolyq qalpyna keltirýdi jáne Reseı áskerlerin tolyq shyǵarýdy, azyq-túlik pen energetıkalyq qaýipsizdikti, ıadrolyq qaýipsizdikti qamtamasyz etýdi, barlyq tutqyndardy bosatýdy jáne basqa da pýnktterdi qarastyrady.