31 shilde kúni Nú-Iorkte BTA Bank pen Triadou SPV S.A. kompanıasyna qatysty sot otyrysy ótti. Sotta Triadou SPV S.A. BTA Banktiń aktıvterin zańsyz ıemdendi dep tanyldy.

Triadou Áblázov pen onyń kúıeý balasy İlıas Hrapýnovqa tıesili. BTA Bankten urlanǵan $70 mıllıon osy kompanıaǵa aýdarylyp, Nú-Iork pen AQSH-tyń birqatar shtatynan jyljymaıtyn múlikti ınvestısıalaýǵa jumsalǵan.  

Eske salaıyq, Áblázovke qarsy 2009 jyly is qozǵalǵan edi. Osydan keıin eks-bankır Qazaqstannan qashyp ketip, Interpol halyqaralyq izdeý jarıalady. Ol 2013 jyldyń shildesinde Fransıada qamaýǵa alynyp, fransýz soty eks-bankırdi Qazaqstanǵa berýden bas tartty. Al 2022 jyldyń jeltoqsanynda olıgarh bosqyn mártebesinen aıyryldy.

Muhtar Áblázov Qazaqstanda syrttaı ómir boıyna túrmege kesilgen. Ol munda “kisi óltirý, aqsha jymqyrý” syndy qylmystar úshin kináli dep tanyldy.

Derekkóz: Til kespek joq