Antıkordyń Shymkenttegi departamentiniń bastyǵy Dáýren Erǵarın jeke menshikke zańsyz berilgen qansha jer ýchaskesi qaıtarylyp jatqanyn habarlady.

Onyń jazýynsha, Shymkentte tyǵyz qurylys salýǵa jol bermeý maqsatynda jeke menshikke zańsyz berilgen jer ýchaskelerin memleket paıdasyna qaıtarý boıynsha maqsatty is-sharalar uıymdastyrylǵan.

"Qazirgi tańda sot sheshimimen aýksıonsyz kásipkerlerge berilgen jalpy aýdany 77 gektar, quny 3 mlrd teńgege jýyq 46 jer ýchaskesi memlekettiń balansyna qaıtaryldy. Sot sheshimi zańdy kúshine engen joq", - deıdi ol.

Erǵarınniń jazýynsha, buǵan deıin Almaty qalasynda taý bókterindegi qurylys salasynda osy turǵydaǵy zańbuzýshylyqtar anyqtalǵan.

Derekkóz: Ulysmedia.kz