Qazaqstandyq áıelder polısıaǵa turmystyq zorlyq-zombylyqqa qatysty jıi shaǵymdana bastaǵan. 

Sońǵy aıda 10 myń áıel polısıaǵa turmystyq zorlyq-zombylyq týraly aryzben júgingen. Úıde janjal shyǵarǵandardyń kópshiligi ákimshilik jaýapkershilikke tartylsa, keıbireýleri saýyqtyrý pýnktine jabylǵan. Bul týraly "Habar 24" telearnasy habarlady.

Eske sala ketsek, bıyl 1 shildeden bastap turmystyq zorlyq-zombylyqqa qarsy jaza qatańdaǵan. Endi tártip saqshylary jábirlenýshilerdiń shaǵymynsyz is qozǵaı alady. Kýágerlerdiń aıǵaqtary, sondaı-aq beınekamera jazbalary jetkilikti.

"Shilde aıynda turmystyq zorlyq-zombylyq týraly 10 myńnan astam habarlama kelip tústi. Sonymen qatar, janjal shyǵarǵandardyń 92 paıyzy ákimshilik jaýapkershilikke tartyldy. Alǵash ret quqyqbuzýshylyq jasaǵany úshin kináli adam eskertý nemese 5-10 kúnge deıin ákimshilik qamaýǵa alynýy múmkin. Tártip buzǵan jaǵdaıda 25 táýlikke deıin ákimshilik qamaqqa alý qarastyrylady"- dedi İİM TJK departamentiniń bastyǵy Rýslan Qarjaspekov.

Degenmen kodekstegi ózgerister men polısıanyń jumysy jaqsy nátıje berip keledi. Sońǵy kezde turmystyq kisi óltirý sany 1,5 paıyz azaıǵan.