Aqtóbe qalasynda qurylys kompanıasynyń aqshasyn urlaǵan býhgalter 7 jylǵa sottaldy.

47 jastaǵy áıel qurylys fırmasynda jalǵyz býhgalter bolǵan. Barlyq qarjylyq qujattarmen jumys istegen. Al dırektor oǵan elektrondy sıfrlyq qoltańbasyn berip qoıǵan. Kompanıa esepshisi sony paıdalanyp, jıeni men tanysynyń jeke kásipkerlik esepshottaryna mıllıondaǵan qarjyny aýdaryp otyrǵan. Al jıeni onyń áreketinen habarsyz bolǵan.

Esepshotqa túsken qarajat atqarylǵan jumystyń aqshasy dep oılaǵan.

Osylaısha bas býhgalter 2018-2019 jyldary aralyǵynda 42 mıllıon teńge jymqyrǵan. Jasaǵan qylmysynyń izin jasyrý úshin jalǵan shot-faktýralar jasaǵan. Dırektor kúdikti tranzaksıalardy baıqap qalyp, birden aýdıtorlyq tekseristi shaqyrǵan. Nátıjesinde esepshiniń qylmysy áshkere bolǵan.

Sotta  47 jastaǵy esepshi óz kinásin moıyndady. Úkim shyqqanǵa deıin ol dırektorǵa 19 mıllıon teńgesin de qaıtarǵan. Biraq 23 mıllıon 132 myń teńgeniń qaryzy qaldy.

Sottyń sheshimimen burynǵy bas býhgalter 7 jylǵa bas bostandyǵynan aıyryldy. Sondaı-aq ol sot úkimi zańdy kúshine engennen keıin 10 kúnniń ishinde jábirlenýshige shyǵyndy tolyǵymen ótep berýge mindetteldi.