Irak baılanys mınıstrligi elde Telegram messendjeri buǵattalǵanyn habarlady. 

Irak bıligi bul sheshimdi ulttyq qaýipsizdik jáne azamattardyń jeke derekteriniń saqtalýy úshin qabyldaǵanyn aıtty.

Vedomstvo Telegram basshylyǵynan resmı memlekettik mekemelerdegi qoldanýshylardyń jeke derekteri men aqparatyn taratyp jiberetin arnalardy joıýdy suraǵanyn aıtty. Degenmen Irak sheneýnikteri kompanıanyń eshbir suraýǵa jaýap bermegenin aıtady.

"Baılanys mınıstrligi memleket pen onyń ınstıtýttarynyń qaýipsizdigi úshin azamattardyń sóz erkindigi quqyǵyn syılaıtynyn rastaıdy", - delingen Irak úkimetiniń málimdemesinde.

Buǵan deıin Telegram Iran men Qytaıda tolyǵymen buǵattalǵan. Keıde Qazaqstan, Reseı, Belarýs, Aýǵanstan, Brazılıa, Úndistan, Indonezıa elderinde qosymshanyń jumysy ýaqytsha shektelip turady.