Ózbekstannyń eks-prezıdentiniń qyzy Gúlnár Kárimovaǵa tıesili eki elıtalyq páter men záýlim úı tárkilendi. Bul týraly alaıaqtyqqa qarsy kúres búrosy málimdedi.

Elıtalyq jyljymaıtyn múliktiń quny 25 mıllıon dollardan asady. Páterler Londonnyń baı-baǵlandar turatyn aýdanynda, al saraı Sýrreı okrýginde ornalasqan.

Ulybrıtanıa bıligi tárkileý týraly sheshim qabyldaǵan soń búro Kárimova men onyń otbasy jyljymaıtyn múlikti Ózbekstandaǵy sybaılas jemqorlyq qyzmetinen túsken qarajatqa satyp aldy degen qorytyndyǵa keldi.

Eske sala keteıik, Kárimova Ózbekstanda jazasyn ótep jatyr. Ol úsh jyl buryn qylmystyq top uıymdastyryp, alaıaqtyq jasaǵany úshin 13 jylǵa sottaldy.

Buǵan deıin Ózbekstannyń eks-prezıdentiniń úlken qyzy Gúlnár Kárimovanyń 131 mıllıon dollarlyq aktıvteri Shveısarıadan elge qaıtarylatyny habarlanǵan bolatyn.