Atyraý oblysynda lagerge bara jatqan kezde qaıtys bolǵan jasóspirimniń anasy Tamara Saplına vıdeoúndeý jasady. Ol óz vıdeoúndeýinde áleýmettik jelide taraǵan aqparattardy joqqa shyǵaryp, istiń mán-jaıyn túsindirdi. Vıdeony qoǵamdyq keńestiń múshesi Sandýǵan Kókenova óziniń áleýmettik jelidegi paraqshasynda jarıalady.
Anasynyń aıtýynsha, Svátoslav bala kezinen aýyrǵan.
"Adamdar balam tamaqtan ýlandy dep jatyr. Joq, olaı emes. Ol bala kezinen aýyrǵan, tamyrlary ózdigimen jarylatyn dıagnoz boldy. Sol kúni keýde tusyndaǵy úlken tamyry jarylyp ketken edi", - dedi Saplına.
Eske salsaq, 7 tamyzda bir top bala "Atyraý-Astrahan" poıyzymen sanatorıge jolǵa shyqqan. Bir jarym saǵattan keıin 13 jastaǵy Svátoslav Saplın ózin nashar sezingen. Sodan "Naryn" stansıasyna jedel járdem shaqyryldy. Biraq bala qaıtys boldy.
Pikir qaldyrý