Ońtústik Koreıada deportasıalanǵan 2 qazaqstandyqqa qatysty sot úkimi shyqty. Sot olarǵa aıyppul salyp, elge qaıtaratyn boldy. Bul týraly 2 qazaqstandyqtyń advokaty Meıirman Shekeev aıtty. 

"Ekeýide Koreıada aıyppul tólep, Otanǵa qaıtady. Olar úsh jyldyq jazadan qutyldy. Kim sońyna deıin syıyndy, barlyǵyna raqmet. Qazaqstannyń Syrtqy ister mınıstrligine, sondaı-aq Koreıadaǵy konsýldarǵa erekshe alǵys aıtamyz", - dedi advokat Meıirman Shekeev.

Aıta keteıik, 25 naýryzda 2002 jáne 2005 jylǵy eki qazaqstandyq Koreǵa barǵan. Alaıda qujattardyń durys bolmaýyna baılanysty kedendik baqylaý qyzmetkeri olardy elge kirgizbeı, deportasıalaý úshin kútý zalyna jibergen. Er adamdar reısti kútip otyryp, áýejaıdaǵy ushý-qoný alańynyń mańyndaǵy úsh metrlik qorshaýdan ótip ketken.

Keıin qazaqstandyqtardyń biri Tedjon qalasynda dúkende telefonyn qýattaý kezinde ustalǵan. Ekinshisi ustap bergen adamdarǵa 30 mıllıon von (10 mıllıon teńgeden asa) syıaqy taǵaıyndalǵan edi.

Keıinirek qashqyn jigit Seýldiń kóshi-qon qyzmetine ózi keldi. Ol 15 jylǵa deıin bas bostandyǵynan aıyrylýy múmkin edi, alaıda onyń ózi kelýi jazasyn jeńildetken.

Ekeýi de kinásin moıyndap, tabys tabýǵa kelgenderin aıtqan. Ońtústik Koreıa polısıasy olarǵa zańsyz shekaradan ótý jáne qashý aıyptaryn taqqan.