"ArselorMıttal Temirtaý" AQ-ǵa qarasty "Qazaqstan" shahtasynda taǵy bir kenshiniń máıiti tabyldy.

Shahtada bolǵan 227 adamnyń 222-si jer betine shyǵarylǵan bolatyn. Keshe bir adamnyń máıiti tabylǵany habarlanǵan edi.

18 maýsymda «Kásibı áskerılendirilgen avarıalyq-qutqarý qyzmetteriniń respýblıkalyq ortalyq shtaby» JSHS Qaraǵandy oblystyq fılıaly dırektorynyń birinshi orynbasary Gennadıı Sılınskıı túni boıy tórt bólimshe kúshimen kenshilerdi izdeý jumystary júrgizilgenin aıtty.

"Órt sóndirý boıynsha jumystar júrgizildi. İs-shara kezinde taý-ken qutqarý bólimsheleri ekinshi zardap shegýshini anyqtady. Ókinishke qaraı ol qaıtys bolǵan. Qazir onyń máıitin jer betine evakýasıalaý jumystary júrgizilip jatyr" - dedi Gennadıı Sılınskıı.

Qaraǵandy oblysy densaýlyq saqtaý basqarmasynyń habarlaýynsha, 17 tamyzda Maqajanov atyndaǵy kópbeıindi aýrýhanaǵa 9 shahter jetkizildi. Olardyń ekeýi jansaqtaý bóliminen toksıkologıa bólimine aýystyryldy. Jaǵdaılary aýyr. Qalǵan 7 adam toksıkologıa bóliminde jatyr. Jaǵdaıy birqalypty.

18 tamyzdaǵy jaǵdaı boıynsha aımaqtyń medısınalyq mekemelerinde zardap shekken 13 kenshi bar.