Reseıdiń İshki ister mınıstrliginiń Qorǵan oblysy boıynsha Qorǵan qalasynyń qyzmetkerleri halyqaralyq izdeýde júrgen 31 jastaǵy Qazaqstan Respýblıkasynyń azamatyn ustady, – dep habarlaıdy Polisia.kz.

Er adam Qazaqstan Respýblıkasy Qylmystyq kodeksiniń 190-babynyń 4-bóligi (Alaıaqtyq) boıynsha qylmys jasady dep aıyptalýda. Anyqtalǵandaı, qaskúnem 2018 jyly Astana qalasynda bir top azamattarmen birlesip, aldyn ala jetkizýshi retinde tenderlerge qatysýshy bolyp, tulǵalardyń senimine kirgen.

Keıin tıisti ónimderdi jetkizýshi retinde kelisken shartty buzyp, atalǵan ónimderdi zańsyz ıemdenip alǵany anyqtalǵan. Alaıaqtar aldaý áreketterimen 39 mıllıon teńgeden astam materıaldyq shyǵyn keltirgen.

Onyń sybaılastary buryn qamaýǵa alynǵan bolatyn. Atalǵan fakti boıynsha qamaýǵa alý bultartpaý sharasymen qylmystyq is qozǵaldy.

Qazirgi ýaqytta Mınsk konvensıasyna sáıkes, bul azamatty ekstradısıalaý máselesi sheshilip jatyr.