Qazaqstan temirjolmen bıdaı ákelýge jarty jylǵa tyıym saldy. Úshinshi elder men Eýrazıalyq ekonomıkalyq odaq (EAEO) elderinen temirjolmen bıdaı ımporttaýǵa tyıym salý sharalary keńeıtiledi.
Bul tyıym alty aı boıy áreket etedi, buıryq jobasy "Ashyq NQA"portalynda jarıalandy. Ol 2023 jyldyń 1 qyrkúıegine deıin qoǵamdyq talqylaýda bolady.
Buıryqta temirjolmen bıdaı ımporttaýǵa lısenzıasy bar elevatorlarǵa, astyq óńdeýshiler men qus sharýashylyǵy kásiporyndaryna ǵana ruqsat beriletini atalyp ótken.
Sonymen qatar avtomobıl kóligimen astyq ákelýge salynǵan tyıym 6 aıǵa uzartylady. Sheshim astyq naryǵynyń ishki turaqtylyǵyn saqtaýǵa baǵyttalǵan, dep túsindirdi Aýyl sharýashylyǵy mınıstrligi.
Pikir qaldyrý