Májilis depýtattary, «AMANAT» partıasy fraksıasynyń músheleri Erkin Ábil men Ekaterına SmyshláevanyńQostanaı oblysynda jumys sapary jalǵasýda.Búgin olar mektep jasyndaǵy balalarǵa arnalǵan Smart-ortalyqtyń jumysymen tanysyp, basqa da nysandardy aralady.

«Iýbıleınyı» shaǵyn aýdanynda salynyp jatqan Smart-ortalyq osy  óńirdiń jol kartasyna engizilgen. Ol 600-den astam oqýshyǵa arnalǵan. Munda robototehnıka jáne baǵdarlamalaý kabınetterin, kıbersport zaly, landshafty dızaın stýdıasy jáne basqa da baǵyttar boıynsha zerthanalar ashý josparlanǵan.

– Ortalyq tek bilim alatyn oryn emes, balalardyń jeke áleýetin ashýǵa, qabiletterin damytýǵa, talanttaryn anyqtaýǵa arnalǵan alań. Qostanaıda mundaı nysannyń  salynyp jatqany jáne onyń jaqyn arada iske qosylatyny qýantady, – dedi depýtat E. Ábil.

Smart-ortalyqtyń jalpy aýdany 12 myń sharshy metrden asady. Onyń  aınalasy balalarǵa, jastarǵa arnalǵan sport alańdarymen, jasyl jelekpen, úsh sýburqaqpen abattandyrylady.

Sonymen qatar májilismender Tele2/Altel uıaly baılanys operatorlarynyń 5G jańa býynynyń bazalyq baılanys stansıasyna bardy. Oblystyq aqparattandyrý basqarmasynyń basshysy Azamat Qashıev depýtattardy jaqynda iske qosylǵan jańa baılanys munarasymen tanystyrdy. Endi qalada Tele2 jáne Altel uıaly baılanys paıdalanýshylary úshin 5G baılanysy qoljetimdi.

Budan keıin Qostanaı oblysyndaǵy aýyldardy baılanyspen qamtamasyz etý máseleleri boıynsha kezdesý ótti. JıynǵaMájilis jáne oblystyq máslıhat depýtattary, aqparattandyrý basqarmasynyń ókilderi, sondaı-aq uıaly baılanys operatorlary qatysty.

– Halyqty sapaly baılanyspen qamtamasyz etý – árdaıym mańyzdy másele. Áriptesterimizben oblystyń aýdandary menaýyldaryn aralaımyz, halyqpen kezdesemiz. Sonda jıi qoıylatyn suraqtardyń biri – shalǵaı eldi mekenderdi ınternet jáne turaqty baılanyspen qamtamasyz etý. Qazir bul baǵytta belsendi jumys atqarylyp jatyr. 2025 jylǵa deıin biz oblystyń barlyq aýyldaryn ınternetpen jáne baılanyspen qamtamasyz etýdi josparlap otyrmyz. Buǵan ótken shaqyrylymda depýtattar qabyldaǵan zańnamalyq túzetýler yqpal etedi, – dedi Ekaterına Smyshláeva.

Májilis depýtattarynyń jumys sapary 25 tamyzǵa deıin jalǵasady. Halyq qalaýlylary shalǵaı aýyldardy, problemalyq nysandar men  óndiristerdi aralaýdy josparlap otyr.