Túrkistan oblysy Otyrar aýdanynda Syrdarıa ózenine shomylýǵa barǵan 11 adam sýǵa batyp opat boldy.
Oblystyq tótenshe jaǵdaılar departamentiniń baspasóz qyzmeti oqys oqıǵa 21 tamyzda tústen keıin Kóksaraı eldi mekeninen úsh shaqyrymdaı jerde bolǵan dep habarlady.
Qutqarýshylar darıaǵa batyp mert bolǵan segiz adamdy sýdan shyǵarǵan, onyń altaýy – kámelet jasyna tolmaǵan bala. Úsh adam (ekeýi kámeletke tolmaǵan) áli izdestirilip jatyr. Bul týraly Azattyq radıosy jazdy.
Túrkistan oblysy ákimdiginiń málimetinshe, qaza bolǵandar – Kóksaraı aýylynda turatyn tórt aǵaıyndy otbasynyń músheleri. Sýǵa shomylýǵa barlyǵy 20 adam barǵan.
Pikir qaldyrý