Qazaqstanǵa atom elektr stansıasy salynady degen aqparat shyqqaly qoǵamdyq pikir qaq jaryldy. Bılik pen energetıka mamandary jaqyn keleshekte Qazaqstanda elektr energıasynyń tapshylyǵy qatty seziletinin aıtyp, AES asa qajet dese, keı azamattyq jáne ekologıalyq belsendiler bastamaǵa qarsy.

Búgin AES salynatyn jer retinde belgilengen Almaty oblysy Úlken aýylynda jergilikti halyqtyń qatysýymen qoǵamdyq tyńdaý ótti. Jıyn barysynda naqty sheshim qabyldanbady.

Energetıka mınıstrligi bolsa, jergilikti halyq qoǵamdyq tyńdaýda AES salýdy qoldaǵanyn habarlady.

Qazaqstanǵa AES salý máselesinde Reseı asa belsendi. 2019 jyly Reseı prezıdenti Vladımır Pýtın Qazaqstan prezıdenti Toqaevpen kezdesýde Qazaqstanda "reseılik tehnologıa" boıynsha AES salý týraly usynys aıtqan. Biraq qoǵamda AES-ti Kremldiń salýyna qarsylardyń qarasy az emes.

Osyǵan oraı oqyrman pikirin bilgendi jón kórdik: Qazaqstanǵa AES kerek pe?