Almaty oblysynda "ALTYN ORDA NEW COMPANY" JSHS-de hronometrajdyq zertteý júrgizildi.
Memlekettik kirister komıtetiniń málimetinshe, kompanıada baqylaý-kassa mashınalaryn qoldanbaı aqshalaı esep aıyrysýmen aınalasqan núkteler anyqtaldy (bazarǵa kirý jáne býhgalterıa). Tekserý nátıjesindn qosymsha 4 baqylaý-kassa mashınasy tirkeldi.
Júrgizilgen tekseris nátıjesinde búdjetke ósimpuldy eseptemegenniń ózinde 170 mlnǵa jýyq qarajat túsken.
"Búgingi tańda "Altyn Orda" saýda bazarynda túsindirý jumystarynyń nátıjelerimen jeke kásipkerler retinde 742 salyq tóleýshi jáne osynsha baqylaý-kassa mashınalary erikti túrde tirkeldi. Odan bólek, Almaty oblysy boıynsha Polısıa departamentiniń qyzmetkerlerimen birlesip, "Altyn orda" bazarynda kásipkerlik qyzmetti salyq organdarynda tirkeýsiz júzege asyratyn tulǵalardy anyqtaý boıynsha tekserý júrgizildi. Reıd barysynda 12 jeke tulǵa anyqtaldy. Materıaldary sotqa joldandy", – delingen habarlamada.
Budan basqa, memlekettik kirister organdarynyń qyzmetkerleri 3 salyq tóleýshini ákimshilik jaýapkershilikke tartty:
- 1 salyq tóleýshi kásipkerlik qyzmetpen aınalysa otyryp, tıisti tirkeýsiz, ruqsatsyz nemese habarlama jiberýsiz áreketter jasaǵany úshin;
- taýardyń baǵasyn tómendetip kórsetip, atalǵan taýardy "Altyn orda" bazarynyń aýmaǵynda ótkizgen 2 tulǵa ákimshilik jaýapkershilikke tartyldy.
Pikir qaldyrý