Almaty qalalyq máslıhatynyń eks-depýtaty Qaırat Qudaıbergendi qamaýda ustaý merzimi 21 qyrkúıekke deıin uzartyldy. Bul týraly Almaty qalasy sotynyń baspasóz qyzmeti habarlady.

"Almaty qalasy mamandandyrylǵan aýdanaralyq tergeý soty tergeý organdarynyń Qaırat Qudaıbergendi qamaýda ustaý merzimin uzartýyn sanksıalaý týraly ótinishti qanaǵattandyrdy. Osylaısha, Qaırat Qudaıbergen 2023 jyldyń 21 qyrkúıegine deıin qamaýda bolady", - delingen resmı habarlamada.

Eske salaıyq, 2022 jyldyń sáýirinde Almaty qalalyq máslıhat depýtaty, kásipker Qaırat Qudaıbergen ustalyp, polısıa departamentiniń ýaqytsha ustaý ızolátoryna qamalǵan bolatyn.

Kásipker qańtar oqıǵasy kezinde jappaı tártipsizdik uıymdastyrdy dep aıyptalǵan edi.