Túrkistan oblysynda Syrdarıaǵa batyp ketken 10-shy adamnyń denesi tabyldy. Bul týraly Tótenshe jaǵdaılar mınıstrligi habarlady. 

TJM málimetinshe, qutqarýshylar búgin saǵat 10:40 shamasynda kámeletke tolmaǵan jasóspirimniń denesin sýdan alyp shyqqan. Endi sýǵa batyp ketken taǵy bir jasóspirimniń denesi izdestirilip jatyr. 

İzdestirý sharalaryna 150 brıgada, 16 tehnıka, 6 júzý quraly jumyldyrylǵan.

Eske sala keteıik, 21 tamyzda Otyrar aýdanynda bir áýletten shyqqan 11 adam Syrdarıa ózeninen batyp ketti. Búginde sýǵan batqan 11 adamnyń 10-y tabyldy. Keshe 9-shy adamnyń janazasy shyǵaryldy.

Budan buryn TJM Túrkistan oblysynda sýǵa ketkenderdiń jasy týraly málimet bergen bolatyn:

1. 1983 jyly týǵan áıel

2. 2006 jyly týǵan qyz bala

3. 2004 jyly týǵan boıjetken

4. 2019 jyly týǵan qyz bala

5. 2015 jyly týǵan qyz bala

6. 2017 jyly týǵan qyz bala

7. 2006 jyly týǵan ul bala

8. 2009 jyly týǵan ul bala

9. 1998 jyly týǵan áıel.

Tabylmaǵan:

10. 2011 jyly týǵan ul bala

11. 2013 jyly týǵan qyz bala.