Qorǵanys mınıstri Rýslan Jaqsylyqov jýrnalıserdiń Belarýstegi UQSHU-nyń aldaǵy oqý-jattyǵýlary týraly suraqtaryna jaýap berdi. Mınıstr ujymdyq qaýipsizdik jónindegi shart uıymynyń oqý-jattyǵýyna qatysý úshin Qarýly kúshterdiń 11 áskerı qyzmetshisi Belarýske ketkenin rastady.
"Internettegi Qazaqstannyń áskerı tehnıka jibergeni týraly aqparattar – jalǵan. Barlyq tehnıkalar óz ornynda tur. Al 11 adamnan quralǵan jedel top Belarýske ketkeni ras. Bul basqarý oryndarynyń jumysy bolyp tabylady", deıdi mınıstr.
Budan bólek mınıstr oqý-jattyǵýdyń Ýkraınamen shekaralas aımaqta ótip jatqany týraly suraqqa jaýap berdi.
"Bul jerde Ýkraınanyń qatysy qansha? Belarýs - UQSHU quramyndaǵy táýelsiz memleket. Oqý-jattyǵý ótetin jer de aldyn-ada habarlanady. Eshqandaı qaýip-qater joq. Sondaı-aq bizde UQSHU shtaby bar. Onda arnaıy trenıńter men sabaqtar ótedi. Qazaqstan óziniń barlyq halyqaralyq mindettemelerin oryndaıdy", dep jaýap berdi Rýslan Jaqsylyqov.
Pikir qaldyrý