Búgin 2023 jyldyń tamyz aıynyń 29 juldyzynda ál-Farabı atyndaǵy QazUÝ-dyń Ǵylymı keńes májilis zalynda «Ál-Farabı atyndaǵy Qazaq ulttyq ýnıversıteti» KEAQ Basqarma Tóraǵasy-Rektory J.Q.Túımebaevtyń qatysýymen QR Sybaılas jemqorlyqqa qarsy is-qımyl agenttiginiń Almaty qalasy boıynsha departamentiniń tóraǵasy Rahımov Arman Tastemirulynyń kóshbasshylyq dárisi ótti.

Qara shańyraqtyń Basqarma Tóraǵasy-Rektory J.Q.Túımebaev «QR Sybaılas jemqorlyqqa qarsy is-qımyldyń ózekti máseleleri» atty kóshbasshylyq dáristiń shymyldylyǵyn ashyp, baıandama jasady.

Sybaılas jemqorlyqqa qarsy tárbıe jáne áleýmettik jumys – ál-Farabı atyndaǵy QazUÝ-daǵy jumystyń mańyzdy baǵyttarynyń biri, onyń maqsaty ýnıversıtette sybaılas jemqorlyqtyń aldyn alý jáne boldyrmaý bolyp tabylady. Mol qarajat pen paıda bar jerde tamyr jaıyp, áli kúnge joıylmaı kele jatqan sybaılas jemqorlyq keseli: «Buǵan mamandardyń bilim, mádenıettilik deńgeıi tómen bolýy áser etetin tárizdi. Keıbir azamattardyń quqyq buzýshylyqqa nemquraılylyǵy, kásibı mádenıeti jetispeýi, jeke bas qamyn oılaýy da paraqorlyqtyń joıylmaýyna sep bolyp júr» -deıdi Ál-Farabı atyndaǵy QazUÝ Basqarma Tóraǵasy-Rektory J.Q.Túımebaev. Memleketimizdiń kez-kelgen azamaty Qazaqstan Respýblıkasynyń Konstıtýsıasyn jáne zańdaryn saqtaýǵa, basqa adamdardyń quqyqtaryn, bostandyqtaryn, abyroıy men qadir-qasıetin qurmetteı otyryp, atalǵan derttiń qoǵamǵa taralý joldaryn túp-tamyrymen kesip, onyń ulǵaıýyna jol bermeý, «Jańa Qazaqstannyń» damýyna sybaılas jemqorlyqqa qarsy qoǵam bolyp birige kúresýge QazUÝ jastaryn shaqyrdy.

Sondaı-aq, kóshbasyshylyq dáriske arnaıy qonaqtary: QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet), Almaty qalasy boıynsha departamentiniń tóraǵasy Arman Tastemiruly RAHIMOV «Óskeleń urpaqtyń boıynda sybaılas jemqorlyqqa qarsy dúnıetanym qalyptastyrý», Prevensıa basqarmasynyń basshysy, sybaılas jemqorlyqqa qarsy qyzmet polkovnıgi Qanat Ásimbaıuly SÁLİMBAEV «Joǵary bilim berý salasyndaǵy sybaılas jemqorlyqqa qarsy is-qımyl» taqyrybynda baıandama jasady.

Kóshbasyshylyq dáriske qatysýshy qonaqtar “Jańa Qazaqstan” bolashaǵyna bastaý alǵan sátte sybaılas jemqorlyqqa qarsy kúres eldiń  bolashaǵyna qajetti mańyzdy másele ekenin, osy jolda árbir azamattyń adaldyq ári adamdyq paryzy memlekettik  múddeniń basty qaǵıdasy ekenin basa aıqyndap atap ótti. Memleket baıandy, damyǵan qoǵam quryp, ósip-órkendeý jolynda sybaılas jemqorlyqqa qarsy kúres árdaıym basty nazarda bolyp, bilim alýshy jastarǵa izgi úlgi-ónege kórsetý barsha aǵa býyn ókilderiniń, árbir Qazaqstan azamatynyń qasıetti qaǵıdasy bolatynyn  qatysýshy qonaqtar tilge tıek etti.

Kóshbasshylyq dáristiń sońy Ál-Farabı atyndaǵy QazUÝ-dyń https://www.kaznu.kz POQ ózderin qyzyqtyrǵan suraqtarǵa jaýap alyp, erkin suhbattasýymen aıaqtaldy.

JOO-ǵa deıingi daıyndyq kafedrasynyń oqytýshylary: G.T. Tıleýjanova, J.T. Ibraımova, G.M. Mýjıgova