Aqtóbe soty Bolat Nazarbaevty zańsyz ıelengen múlik úshin 19 mln 451 myń teńge tóleýge mindettedi. Bul týraly  Ratel_kz agenttigi jazdy. 

2013 jyly Bolat Nazarbaev "Aqtóbe óndiristik kompanıasyna" 1,5 mıllıard teńge nesıe bergen. Alaıda keıin aqshanyń kompanıa shotyna túspegeni belgili bolǵan. 2021 jyldyń 20 qazanynda "Aqtóbe óndiristik kompanıasy" sot sheshimimen "bankrot" dep tanylǵan.

Kompanıa bankrotqa deıin bir jyl buryn 1 zaýyt pen quny 751 mıllıon bolatyn qural-jabdyqtardy nesıe ótemi retinde Bolat Nazarbaevqa bergen. Keıin qarjy operasıalaryn teksere kele, Bolat Nazarbaevtyń "Aqtóbe óndiristik kásipornyna" eshqandaı aqsha aýdarmaǵany anyqtaldy.

Ótken jyly qyrkúıekte ótken sot Nazarbaevtyń kásiporynǵa qarjylaı kómek kórsetpegenin rastady. Endi kompanıanyń bankrotqa ushyraýyna baılanysty Bolat Nazarbaev zańsyz ıelengen múlikti qaıtaryp, kompanıaǵa 19 451 000 teńge ótemaqy tóleýi tıis.