Reseıdiń belgili parodısi, shoýmen Maksım Galkın Qazaqstanda josparlanǵan konsertiniń bolmaıtynynmálimdedi. Bul týraly ol óziniń áleýmettik paraqshasynda jazdy.
Galkınniń aıtýynsha Qazaqstandaǵy konsertke bılik tarapynan tyıym salynyp otyr.
"Basynda konsert bıletteri jaqsy satyla bastaǵan edi. Sodan keıin "bıletter satylmaıdy" degen áńgime shyǵa keldi. Endi nege ekeni belgisiz, konsertke múldem tyıym salynypty. Men Qazaqstandy azat, erkin el dep oılaıtyn edim. Qatelesken ekenmin" – dedi ol.
Sonymen qatar, shoýmen Qazaqstandyq kórermenderdi joǵary baǵalaıtynyn aıtyp, aldaǵy ýaqytta qaıta keletinin jazdy.
Eske sala keteıik, Maksım Galkın men onyń zaıyby ataqty ánshi Alla Pýgacheva Reseı Federasıasynyń basshylyǵyn Ýkraınaǵa basyp kirgeni úshin synap, Izraılge kóship ketken.
Byltyr qyrkúıek aıynda Reseı Federasıasynyń ádilet mınıstrligi Galkındi sheteldik agent dep tanyǵan.
Pikir qaldyrý