Elektr kóligimen velosıped joldarymen, jol júrý bóliginiń oń jaq shetki jolaǵymen jáne trotýarmen júrýge bolady, - dep habarlady Almaty qalasy polısıa departamentiniń resmı ókili Saltanat Ázirbek ÓKQ brıfıńinde, dep habarlaıdy Almaty-akshamy.kz. 

«Engizilgen ózgeristerge sáıkes, elektr samokattardyń júrgizýshileri velosıped jolymen júredi. Olar bolmaǵan kezde zańmen engiziletin sharttar men tyıymdardy saqtaı otyryp, jol júrý bóliginiń oń jaq sheti boıynsha elektr samokattardyń júrýine jol beriledi», - dep atap ótti spıker.

Sonymen qatar, elektr samokattardyń  júrgizýshisi keminde 18 jasta bolýy kerek, ol bekitilgen dýlyǵa jáne shaǵylystyratyn kıim kıýi kerek, sondaı-aq kez kelgen sanattaǵy júrgizýshi kýáligi bolýy qajet.

Jol qozǵalysy salasyndaǵy zańnamaǵa engizilgen jańa ózgeristerge sáıkes, moped, elektrosamokat, velosıped júrgizýshilerine tyıym salynady:

 - rúldi bir qolmen bolsyn ustamaı júrgizýge:
 - bir baǵytta qozǵalys úshin bir jolaqtan kóp joldardaǵy tramvaı qozǵalysy bar joldarda solǵa burylýǵa nemese keri burylýǵa;
 - mopedtermen jáne velosıpedpen paıdalanýǵa arnalǵan tirkemeni súıreýden basqa mopedterdi, elektrosamokattardy jáne velosıpedterdi súıreýge:

 - kólik quralynda bola tura jaıaý júrginshiler ótkelderinen joldyń júrý bóligin kesip ótýge:
 - basqa kólik quraldarynyń júrgizýshilerine kórinýdi qamtamasyz etetin, jol júrý erejelerinde belgilengen talaptarǵa sáıkes keletin shaǵylysatyn zatsyz joldyń júrý bóliginde túnde júrýge:

 - joldyń júris bóliginde júrgende, bekitilgen dýlyǵasyz júrýge.

 Ózgeristerge sáıkes, elektr samokattardyń júrgizýshileri velosıped jolymen qozǵalady.  Olar bolmaǵan jaǵdaıda zańmen belgilengen sharttar men tyıym salýlardy eskere otyryp, elektr samokattarǵa júrý bóliginiń oń jaq jıegimen júrýine ruqsat etiledi.

 Erejelerdiń birin buzǵan jaǵdaıda júrgizýshiler eki bap boıynsha ákimshilik jaýapkershilikke tartylady, bul QR ÁQbK-niń 593 baby (Jolaýshylar men júkterdi tasymaldaý qaǵıdalaryn saqtamaý) jáne QR ÁQbK-niń 620 baby (jol qozǵalysyna qatysýshylarǵa qoıylatyn ózge de talaptardy buzǵany úshin).
 Atalǵan baptardyń sanksıalaryna sáıkes, quqyq buzýshylarǵa 5 AEK nemese 17 250 teńge kóleminde ákimshilik aıyppul salynady.