El prezıdenti Qasym-Jomart Toqaev Qazaqstan halqyna kezekti joldaýynda AES qurylysy boıynsha referendým ótetinin aıtty.  

"Qazaqstan ýran óndirisi boıynsha aldyńǵy orynda tur. Sondyqtan AES salýǵa quqymyz bar. AES salý qajet pe, joq pa, degen saýal tóńireginde halyq pikiri ártúrli. Kóptegen azamattar men birqatar sarapshylar ıadrolyq stansıanyń qaýipsizdigine kúmánmen qaraıdy. Semeı polıgony halqymyzǵa qanshama qasiret ákelgenin eskersek, olardyń kúdigin túsinýge bolady. Sondyqtan bul másele boıynsha qoǵamdyq tyńdaýlardy, egjeı-tegjeıli, keń aýqymdy talqylaýlardy jalǵastyrýymyz kerek. Biz mańyzdy strategıalyq máselelerge qatysty túpki sheshimdi referendým arqyly qabyldaýymyz qajet. Bul – 2019 jyly saılaý aldynda meniń halyqqa bergen ýádem. Atom elektr stansıasyn salý nemese salmaý máselesi – bul elimizdiń bolashaǵyna qatysty asa mańyzdy másele. Sondyqtan ony jalpyulttyq referendým arqyly sheshken jón dep sanaımyn. Naqty merzimin keıin anyqtaımyz"- dep málimdedi prezıdent. 

Eske sala keteıik, buǵan deıin Toqaev AES qurylysy jaıly referendým ótetinin aıtqan bolatyn. Alaıda keıinnen energetıka vıse-mınıstri Jandos Nurmaǵanbetov Qazaqstanda atom elektr stansıasyn salý máselesi referendýmǵa shyǵarylmaıtynyn málimdegen edi.