Qamaýda otyrǵan jýrnalıs Dýman Muhammedkárim ashtyq jarıalady. Ol bul joly ózin dárigerlerge qaratýdy talap etip otyr. 

"Dýmannyń densaýlyǵy boıynsha aýrýhanaǵa aparsyn dep birneshe hat jazdyq. Keıin Dýmanǵa dárigerler kelgen, olar "seni aýrýhanaǵa jatqyzamyz" dep aıtqan. 2-3 kún ótti, eshkim kelmegen. Dárigerler emdetemiz dep, óz sózderinde turmady. Dýmannyń ashtyq jarıalaý sebebi osydan. Ol dárigerler kelse, ashtyqty toqtatamyn dep aıtty"– dedi jýrnalıstiń advokaty Ǵalym Nurpeıisov.

Advokattyń aıtýynsha, jýrnalısiń búıregi men asqazany syr bere bastaǵan. Nurpeıisov jýrnalıske medısınalyq kómek kerek ekenin jetkizdi. Ol Dýman Muhammedkárimmen 31 tamyz kúni kezdesken. Bul týraly Azattyq radıosy jazdy. 

"Búgin ákesimen birge Dýmanǵa kirdik. Tergeýshi jaýap alaıyn dep, tergeý júrgizýge tyrysqan. Dýmannyń Almatyǵa aýystyrý týraly talaby oryndalmady, sondyqtan ol budan bas tartatynyn aıtty"– dep habarlady advokat.

Eske sala keteıik, Dýman Muhammedkárim buǵan deıin de ashtyq jarıalap, densaýlyǵyna qatysty ashtyǵyn toqtatqan bolatyn. Advokat ol kezde onyń kóp salmaq joǵaltqanyn habarlaǵan edi.