Búgin Tımýr Súleımenov Ulttyq bank tóraǵasy qyzmetine taǵaıyndaldy. Bul týraly Aqordanyń baspasóz qyzmeti habarlady.
Qasym-Jomart Toqaev Ulttyq bank tóraǵasy laýazymyna Tımýr Muratuly Súleımenovtiń kandıdatýrasyn usynǵan. Senat depýtattary prezıdenttiń kandıdatýrasyn qoldap, kelisim berdi. Aıta keteri, Konstıtýsıaǵa sáıkes, Ulttyq banktiń tóraǵasyn Qazaqstan prezıdenti parlament senatynyń kelisimimen taǵaıyndaıdy.
Buǵan deıin prezıdent ákimshiligi basshysynyń orynbasary bolyp qyzmet atqanǵan Tımýr Súleımenov "Máskeýde 5 jyl turyp qazaq tilin umytyp qaldym, jarty jylda úırenemin" degen ýádesimen el esinde qaldy. Alaıda Ulttyq bank tóraǵasy búgin jýrnalıster qoıǵan suraqtarǵa qazaq tilinde tolyqqandy jaýap bere almady. 5 jyl buryn bergen ýádesin umytqan Súleımenovtiń ana tilin kásibı deńgeıde meńgermegeni baıqalady.
Pikir qaldyrý