Almaty qalalyq densaýlyq saqtaý basqarmasy qaladaǵy atystan zardap shekkenderdiń jaǵdaıy jaıly málimdeme jasady. Bul týraly Ulysmedia.kz. jazdy. 

"Birinshi naýqastyń basynda jaraqaty, mańdaı súıeginde synyǵy bar. Sol aıaǵyna oq tıgen. Ol neırohırýrgıa bólimine jatqyzyldy. Basyna ota jasaýǵa daıyndyq júrip jatyr. Qazir jaǵdaıy turaqty", – delingen habarlamada.

 Al ekinshi naýqastyń ish qýysyna oq tıip, aýrýhanaǵa aýyr  jaraqatpen túsken.

"Ekinshi naýqas hırýrgıa bóliminde jatyr. Qol aımaǵyna oq tıip, kóp mólsherde ishteı qan ketý bolǵan.  Naýqastyń ishek tutastyǵyn qalpyna keltirý jáne ishten qan ketýdi toqtatý úshin shuǵyl operasıa jasaldy. Qazir jaǵdaıy aýyr", - dedi vedomstvo.

Eske sala keteıik, 3 qyrkúıekke qaraǵan túni Almaty ortalyǵynda atys bolyp, eki adam zardap shekti. Buǵan deıin qalalyq polısıa kúdiktilerdiń biri ustalǵanyn habarlaǵan. Oqıǵanyń kýágerleri betperde kıgen tórt adam atys jasaǵanyn aıtty. Qazirgi ýaqytta polısıa tergeý júrgizip jatyr.