Elorda ákimi Jeńis Qasymbek áleýmettik jelidegi paraqshasynda Pitch Day dep atalatyn kezdesý týraly aqparat jarıalady. Bul jıynǵa qatysýshylar elordanyń densaýlyq saqtaý, bilim berý, turǵyn úı-kommýnaldyq sharýashylyǵy, turǵyndardyń qaýipsizdigi jáne t. b. salalardy sıfrlandyrýǵa baǵyttalǵan 10 IT-jobany tanystyrdy.

«Sıfrlyq tehnologıalar – búginde kúndelikti ómirimizdi jaıly etetin ınfraqurylymnyń ajyramas bóligi. Qalalyq orta damýy úshin ınovasıanyń jolymen júrýi kerek. Biz úshin mundaı alańdar – ınovasıalyq ıdeıalar men usynystar talqylanatyn jer ǵana emes ári sol jobalar qoldaý tabatyn jáne iske asyrylatyn oryn. Osyǵan deıin qala birqatar jobaǵa, sonyń ishinde «Qoljetimdi aýla» boıynsha, sondaı-aq bilim berý, medısına jáne t. b. salalarda qoldaý kórsetti» dedi ákim.

Jeńis Qasymbek usynylǵan jobalardy egjeı-tegjeıli zertteıtinin aıtty.

«Sondaı-aq Pitch Day qatysýshylarymen birlesip, qalalyq qyzmetterimizdiń jumysyn júıelendirýge jáne ońtaılandyrýǵa múmkindik beretin jobalar qurý boıynsha jumys isteımiz. Biregeı ınovasıalyq ıdeıalary men jobalary bar IT-mamandar, bizdiń profıldi basqarmamyzdyń forýmdarynyń qatysýshysy bola alasyzdar. Biz qoldaý kórsetýge jáne birlesip jumys isteýge qashanda daıynbyz» dep sózin túıindedi qala basshysy.