Qarjy vıse-mınıstri Erjan Birjanov kúnine 150-ge tarta adam bankrot mártebesin alýǵa ótinish beretinin málim etti.

Erjan Birjanovtyń dereginshe, 1 qyrkúıekke deıin 10 myńǵa jýyq qazaqstandyqtan osyndaı ótinish túsken. Ol zańnamaǵa sáıkes tekserý júrgizýge alty aı merzim berilgenin atap ótti.

"Biz naýryz aıynda ótinishti qabyldap, bankrottyq týraly sheshimdi birden shyǵara almadyq, ıaǵnı alty aı merzim qajet boldy.Bul merzim qyrkúıekte aıaqtaldy, bankrot dep taný rásimi bastalyp jatyr. Keshegi jaǵdaı boıynsha 377-den astam adam bankrot dep tanyldy. Kún saıyn (statısıkany qadaǵalap otyrmyn) 100-150 adam bankrot mártebesin alady", – dedi Birjanov senat kýlýarynda.

Eske salaıyq, prezıdent Toqaev 2022 jylǵy 30 jeltoqsanda "Qazaqstan Respýblıkasy azamattarynyń tólem qabiletin jáne bankrottyqty qalpyna keltirý týraly" QR Zańyna qol qoıdy. 

2023 jyldyń 3 naýryzynda azamattardyń bankrottyq týraly ótinishterin qabyldaý bastaldy.