Bıyl kúzgi áskerge shaqyrý naýqanynda 19 myńnan asa qazaqstandyq ásker qataryna shaqyrylady. Josparǵa boıynsha Astana men Almatydan eki myńǵa jýyq azamat Otan aldyndaǵy boryshyn óteýge jiberiletin bolady.
"Áskerge shaqyrylýshylardyń moraldyq-psıhologıalyq deńgeıi joǵary ekenin aıta keteıin. Olar medısınalyq komısıanyń birneshe kezeńinen sátti ótti. Medısınalyq kórsetkishterge qaraı kóktemde shaqyrylatyndar da bar. Densaýlyǵyn qalpyna keltirý úshin bir jyldan keıin shaqyrylatyndar bar" – dedi Ǵanı Artyqov.
Ásker shaqyrylǵan azamattar UQK Shekara qyzmetiniń, Qorǵanys mınıstrliginiń, Memlekettik kúzet qyzmetiniń jáne Ulttyq ulannyń áskerı bólimderine qyzmet etýge jiberiledi. Áskerge shaqyrý naýqany 31 jeltoqsanǵa deıin jalǵasady.
