Shahmattan Qazaqstan áıelder quramasy Polshanyń Bydgosh qalasynda ótken İH komandalyq álem chempıonatynyń kúmis júldegeri atandy.
Fınalda komanda Grýzıa quramasynan jeńildi. Komanda sapynda Bıbisara Asaýbaeva, Ámına Qaıyrbekova, Merýert Kamalıdenova men Alýa Nurmanova óner kórsetti. Bul – Pavel Kosýr baptaıtyn ulttyq quramanyń alǵashqy jeńilisi. Osyǵan deıin Qazaqstan toptyq kezeńde Grýzıamen teń túsip (2-2), qalǵan qarsylastyń bárin utqan.
"Grýzıalyq oıynshylardyń tájirıbesi jas ári daryndy Qazaqstan quramasynan basym tústi, jastar (ortasha jas – 18) úmitti aqtady, eline kúmis medaldi alyp ketedi", - delingen FIDE habarlamasynda.
Bul medal Qazaqstan quramasynyń álem chempıonattaryndaǵy eń úzdik jetistigi boldy.
Pikir qaldyrý