Italıada úsh qazaqstandyq Phýket qalasynda turatyn aýqatty azamatty soqqyǵa jyqty dep aıyptalyp jatyr. Bul týraly jergilikti ThePhuketnews.com saıty habarlady. Qazaqstandyqtardyń aty-jóni atalmady. Biraq olardyń reseılik MMA balýany Hýseın Asqabovpen jáne onyń egiz aǵasymen kelisip urlyqqa túskenin jazǵan. 

Jergilikti BAQ-tyń dereginshe, beseýi birigip Phýkettiń kýrortyq aýdany Cherngtalaıdaǵy ıtalıandyqtyń vıllasyna basa-kóktep kirgen. Olar kerek aqparatty alý úshin úı ıesin birneshe saǵat boıy aıaýsyz uryp-soqqan. Keıin úsh qazaqstandyq Phýketten Dýbaıǵa ushyp ketken. Tergeý jumystarynyń aqparaty boıynsha olar 156 mln teńgeni alyp, Qazaqstanǵa oralǵan. 

Al reseılik sportshylardy Italıa polısıasy ustap úlgergen. Olardyń qamaýǵa alynǵanyn qalalyq polısıa bólimshesi rastap otyr. 

Taı polısıasynyń esebinde zardap shekken azamattyń Rolex Daytona, Patek Philippe Nautilus jáne Graff saǵattaryn urlanǵany aıtylady. Bul zattardyń árqaısysy birneshe mıllıon batqa baǵalanady. Sondaı-aq urlanǵan zattar tiziminde: Macbook, jańa iPhone 13 jáne iPhone 14, kúnnen qorǵaıtyn kózildirik bar.

Buǵan qosa, olar ıtalıalyqtyń tólqujatyn, Abý-Dabı ıslam bank kartasyna, telefondaryna, seıfine jáne kompúterlerine kirý parólderin urlaǵan. 

Jábirlenýshi shabýyl jasaǵan úsh qazaqstandyqty buryn-sońdy kórmegenin aıtty. Alaıda ol aǵaıyndy Asqabovtarmen byltyr Cherngtalıadaǵy kafelerdiń birinde tanysqan.

Italıa bıligi oqıǵaǵa baılanysty resmı málimdeme jasamady.